Coolture komunitate birtual bat da, eta gaur egungo euskal gizartean dagoen gabezia bat identifikatu ostean sortzen da. Gabezia da, komunikazioaren munduan ikasten ari diren gazteak galduta ikusten ditugula. Ikasketak amaitzen ari dira eta ez dakite zer egin nahi duten, ez daukate aukerarik gauzak probatzeko.

 

Beste gabezia kultura sustatu beharra da. Kultura bere zentzurik zabalenean esan nahi dugu. Gure inguruan talentudun jende asko dago, mugimendu interesgarri asko eta horiek bistaratzeko plataforma bat nahi dugu: idazle berriak, bertsoak, arte plastikoak, antzerkia… Edozer.

 

Bi gabezia horiek uztartzeko asmoz sortzen da proiektu hau. Gure kulturari sustengua eman nahi diogu, gure gazteak erabilita. Era honetan, gazteek kultura landu eta hedatuko dute, eta beraiek lehen lan aukera profesionalak bilatuko dituzte horrela. Txanpon beraren bi aurpegiak landu nahi ditugu.

 

Helburuak:

-Egungo gazte komunikatzaileei (kazetaritzako edo komunikazioko ikasleak) lan aukera errealak eskaintzea.

-Egungo gazte komunikatzaileen sare bat osatzea

-Enpresa eta entitateekin kolaborazioak egitea, denen onerako: kulturaren onerako eta gazteei aukerak eskaintzeko.

-Komunitate birtuala izateaz gain, komunikazio fisikoa ere edukitzea

-Euskal kulturaren barruan monopolioak apurtu eta izen, zein izan, txikiei bultzada ematea.

-Euskaldun komunikatzaileentzat erreferente bilakatzea: batetik, lan aukera errealak emango dizkielako, proiektuak elkarlanean garatzeko aukera.